Como limpar unha prancha da roupa

Como limpar unha prancha de roupa (e non morrer no intento)

¡Imos ao que importa!

Empecemos co que máis salta á vista: a sola da prancha, ese pequeno inferno que de súpeto se volve negro.

Por que?

Pois porque somos impacientes e poñemos a prancha ao máximo de calor como se estivésemos a cociñar unha pizza.

Pero, sorpresa,

¡non é o mellor para a roupa nin para a prancha!

A clave está en planchar á temperatura que recomenda o fabricante.

E como sabemos cal é?

Doado, miras a etiqueta da peza. Ás veces vén con números (110, 150, 200 graos), pero o máis común é que vexas unha prancha cun, dous ou tres puntos.

 

Se ten tres puntos, podes facerlle un “sprint” á prancha; se ten un, mellor vai con calma.

Agora si, imos á limpeza da prancha, que é o que che interesa.

Limpeza da sola

O máis sinxelo e efectivo é usar o mesmo lavalouzas que usas para os pratos.

Auga quente, un chisco de lavalouzas, e co estropallo de sempre, dálle con cariño en círculos.

Nun ou dous minutos, ¡sola impecable!

Como se a houbeses comprado onte.

Limpeza por dentro

Aquí é onde a cousa se pon seria.

Isto hai que facelo polo menos dúas veces ao ano, ou máis se es un fanático do pranchado.

Mestura a partes iguais auga e vinagre de limpeza (se non tes, o vinagre branco ou de mazá serve), quenta a prancha ao máximo e pasa un trapo vello, pero limpo, ata que se acabe a auga do depósito.

E non esquezas un consello de ouro: usa auga de prancha, destilada ou a do aire acondicionado.

Pero, se che pasa como a min, que acabas usando auga da billa, asegúrate de baleirar o depósito ao rematar de pranchar.

Eu confeso que case sempre uso auga da billa, e ata agora, todo ben.

Claro, cada catro ou seis meses fago unha limpeza a fondo, non son un salvaxe.

Despois, repite a operación do lavalouzas na sola para quitar calquera resto de cal.

E antes de que volvas a pranchar, enche un pouco o depósito, non ata arriba, e saca toda a auga con vapor para evitar que ese “toque a vinagre” quede na túa roupa.

E listo! Prancha relucente e sen dramas.

 

MELLOR EXPLÍCOCHO NUN VÍDEO!